Uncategorized

((ظاهره)) انا حاسس انى عشت اللحظه دى قبل كده وقلت الكلام ده قبل كده !!

النهارده حكلمكم عن حاجه بتحصل لناس كتير جداااااااا

منهم انا

والحقيفه انا حسيت ف وقت ان انا مجنون بسبب كده

يعنى مثلا اشوف حد اكون حسيت ان شفته قبل كده …. واتكلمت معاه نفس الكلام الى بتكلمه

وممكن احلف 1000000000 حلفان ان ده حصل فعلا

طيب ايه السبب

فى ناس قالت ده تناسق ارواح

وناس تانيه قالت الارواح بتتلاقى فى ملكوت ربنا

وناس قالت ياعم انت حتحور هى ناقصه جنان

وانا بصراحه كنت مع الناس الى بيقولوا انى اتجنيت

لحد ما قعدت ادور ع السبب والحمد لله لقيته

ححاول ع قد ما اقدر ان شاء الله ابسط الكلام والى مش فاهم يقول وان شاء الله نحاول نفهمه

بصوا

اولا اسم الحاله دى

ظاهره ديجا فو Déjà vu

ونبدأ بسم الله

اى بيانات او اى معلومات او اشكال …. اى حاجة بتدخل مخك …. بتروح تختزن فى الذاكرة ….

وسواء اختزنت فى الذاكرة القريبه او البعيدة … فهى فى كل الاحوال مختزنه فى حاجة اسمها (( ذاكرة الوعى )) ….. ولما تفضل الحاجات دى موجوده فترة كبيرة فى ذاكرة الوعى من غير ما العقل يستخدمها او يستدعيها … بتبتدى تبهت … وتتضائل … وواحدة واحده بتروح على حاجة او مكان تانى اسمو ذاكرة اللاوعى …

اى معلومة او اى تفصيله مهما كانت صغيرة ومهما كانت بسيطة … بتدخل فى عقلك مش ممكن هتطلع منه تانى ابداااااااااااااااااااا ….

يعنى ايه يا عم

يعنى مثلا

لو انا بتكلم معاك

بتكلم معاك بعقلين ((مجازه يعنى )) الى هما العقل الباطن والعقل الواعى

العقل الواعى بيسجل الكلام الى انت بتقوله حرفيا وبفهمه واستوعبه

ام العقل الاواعى بقى اييييييييييه

مبيونش

شغاااااااال

يسجل كل حاجه حجمك طريقه كلامك د انت لو عندك بقعه صغيره ف هدومك مخدتش بالى منها وانا بكلمك

عقلى الباطن بيسجلها

ماعلينا !!!

انما كل الموضوع ان البيانات دى وهى فى الذاكرة الواعيه بتبقى عباره عن اشارات كهربائيه ضئيله …. ولما البيانات دى تتحول الى اللاوعى … بيتحول شكلها وتكوينها من اشارات كهربائيه الى …(( تقلصات وحركات سيتوبلازميه )) …. او بمعنى اخر … بتفقد الشحنات اللى فيها اللى ممكن تمشيها فى الخلايا العصبيه علشان توصل للادراك ….

وبالتالى …. انتا طبعا ماتقدرش ابدا تفتكرها الا بتنشيط التقلصات دى … وتحويلها الى اشارات كهربائيه …. وبالتالى وصولها الى الادراك .. وبالتالى تفتكرها واعتقد ان (( التنويم المغناطيسى )) جه فى بال ناس كتير لما قروا الكام كلمة دول …

وفعلا التنويم المغناطيسى احد الطرق لتنشيط اللاوعى وتحويل بياناته الى اشارات كهربائيه تصل الى الادراك وبالتالى الى الوعى

ياريت لو مفهمتش الجزئيه الى فاتت دى ياريت تقراها تانى ولو لسه برده قول واحاول افهمك بأذن الله

زى ما قولنا ان اى حاجة … سواء احساس معين …. او كلام … او اشكال …. طالما انه فى الذاكرة الواعيه بتكون اشارات كهربائيه …. ولما تروح اللاوعى … بيتغير تكوينها وتكون فى شكل ابسطيمنع وصولها الى الادراك ….

ممكن فى لحظة تحصل اى حاجة قدامك قريبه من اى شىء مخزن فى اللاوعى عندك ……. ,,,,

يعنى ممكن مثلا والدتك تدخل الاوضة وتقولك فى ضيوف عندنا … وتروح مولعه عليك النور …. وفجأة … انتا تحس ان الموقف ده حصل قبل كده …..

ممكن فى كلام والدتك ليك تكون فى كلمة … الكلمة دى انتا سمعت زيها زمااااااان وماتهمتش واختزنت عندك فى ذاكرة الوعى … وبعدين … اتحولت على اللاوعى ….

ولما سمعت الكلمة تانى …. حصل نشاط او تنشيط للتقلصات … او لجزء اللاوعى … فتطلع بسرعه اشارة كهربائيه بسيطة للادراك … فتحس ان فى شىء مكرر …

الاشارة اللى بتطلع للادراك دى بتكون اشارة باهته جدا جدا جدا … بمعنى ان الاشارة مش بتقول ان الكلمة الفلانيه موجوده وسمعناها قبل كده …. لا …. الاشارة دى بتنقل للادراك عندك مجرد تنبيه صغير … الى حدوث امرا ما مرة اخرى …

خد باااااااااااالك

مش شرط

الى عمل الاثاره دى يكون كلام والدتك

ان الكلام بتاع والدتك هو اللى يكون ممكن ريحه الغرفة نفسها … ممكن حاجة تانى … ان والدتك لما صحتك … انتا حسيت بانطباع معين او احساس معين من كلامها ليك ….. والاحساس ده تكون انتا حسيته قبل كده مع حد من اصحابك او فى اى موقف وتم اختزان الاحساس ده فى اللاوعى عندك

ولما اتكرر الاحساس ده من كلام والدتك ….. خرجت اشارة باهته جدا جدا الى الادراك بتفيد ان فى شىء مكرر … او ان فى امربيحصل دلوقتى حصل قبل كده …

ولان الادراك بتوصله الاشارة دى بسيطة وبااااااااااااااااهته جدا … مش بيقدر يحدد ايه بالظبط المكرر او ايه الشىء اللى حصل دلوقتى … وحصل زيه قبل كده ….

وبالتالى بيتولد احساس جواك …. ان الامر كله حصلك قبل كده . نتيجة انك (( مش مدرك )) ايه العامل المشترك بين الموقف ده والموقف القديم اللى مختزن فى اللاوعى عندك …

ومن هنا بيجيلك شعور مبهم وغامض انك حسيت بالموقف ده قبل كده … والسبب ان فى عامل مشترك جمع بين الموقف الحالى وموقف مشابه فى الماضى … قد يكون كلمه … رائحة …. احساس …. انطباع …. منظر … او اى شىء …. بيثير خالايا معينه من عقلك الجبااااااااار ده … وتخرج اشارة فى منتهى البساطة والبهتان الى الادراك … ويحصل اللى قولنا عليه