تحضير صيادية السمك
بسم الله نبداء المقادير مع الطريقه
كمية بصل كبيره من 4ال5حبات بصل كبيره وانا كنت مسويه الصياديه لزوجي واخوانه علشان كذا الكميه كبيره
والاله اللي جنب البصل لازام اقدم لها من هالمنبر كل الشكر والتقدير واقول لها احبك من كل قلبي
ياهي تفك ازمه للسلطه وتقطيع البصل للصياديه
وهنا البصل بعد ماخلصنا فرمه
ونجيب القدر ونحط فيه كمية زيت مناسبه ونحط البصل
ونخليه على النار لين يبداء يغمق لونه
وبعدين نحطه بخلاط البصل ونضيف عليه شوية مويه ونخلطه
ونجيب قدرنا ونحط فيه شوية زيت وبهارات اللي هي عباره عن ليمون ناشف وهيل وورق غار وبهارات مشكلة ومرقة ماجي
ونظيف له البصل المخلوط
ونكون منظفين السمك ومقطعينه ونحطه في القدر ونضيف عليه مويه
ونتركه لفتره بسيطه السمك مايطول يستوي بسرعه
ونخرجه من القدر في صنيه ونولع عليه الفرن شويتين
ونصفي المويه بمصفى ونرجعها بالقدر وبعدين نحط الرز
لين مايستوي
وبعد مايستوي اغرفيه وبالعافيه
